ﺟﯿﻨﺎ ﭘﮍﺗﺎ ﮨﮯ

ﺟﯿﻨﺎ ﭘﮍﺗﺎ ﮨﮯ ﻣﭩﯽ ﮐﯽ ﻣﻮﺭﺕ ﺳﮯ ----- ﺧﻮﺍﮨﺶ ﮐﯽ ﺑﯿﻠﯿﮟ ﻟﭙﭩﯽ ﺭﮨﺘﯽ ﮨﯿﮟ
ﺳﺎﻧﺴﻮﮞ ﮐﯽ ﺁﺭﯼ ﺟﺐ ﺗﮏ ﭼﻠﺘﯽ ﺭﮨﺘﯽ ﮨﮯ ----- ﮐﭽﮫ ﻧﺎﮞ ﮐﭽﮫ ﮐﭩﺘﺎ ﺭﮨﺘﺎ ﮨﮯ .ﮐﺎﺭﻭﺑﺎﺭ ﺩﻧﯿﺎ ﮐﯽ ﺑﮯ ﮐﺎﺭ ﻣﺴﺎﻓﺖ
ﺑﮭﻮﮒ ﮐﮯ ﮔﮭﺮ ﮐﮯ ﮐﻢ ﺭﻭﺷﻦ ﮐﻮﻧﻮﮞ ﻣﯿﮟ ﺭﻭ ﻟﯿﻨﮯ ﺳﮯ ﺍﺑﺮ ﻧﮩﯿﮟ ﭼﮭﭩﺘﺎ
ﭘﺮ ﺭﻭﻧﺎ ﮨﻮﺗﺎ ﮨﮯ
ﺯﻧﺪﺍﻧﯽ ﮐﯽ ﻟﻤﺒﯽ ﻟﻤﺒﯽ ﺭﺍﺗﻮﮞ ﺍﻧﺪﺭ ﻟﻤﺲ ﺑﮭﺮﯼ ﺍﻣﯿﺪﻭﮞ ﮐﻮ ﺳﯿﻨﺎ ﭘﮍﺗﺎ ﮨﮯ
ﺟﯿﻨﺎ ﭘﮍﺗﺎ ﮨﮯ
ﺗﻮ ﻧﮯ ﺟﻦ ﺍﻧﺪﯾﺸﻮﮞ ﮐﯽ ﺩﺭﺯﻭﮞ ﺳﮯ ﺩﻧﯿﺎ ﺩﯾﮑﮭﯽ ﺗﻮ ﻧﮯ ﺟﻦ ﻣﺤﺮﺍﺑﻮﮞ ﭘﺮ
ﺁﻧﮑﮭﯿﮟ ﻟﭩﮑﺎﺋﯿﮟ ﺗﻮ ﻧﮯ ﺟﻦ ﺭﺳﺘﻮﮞ ﭘﺮ ﺭﻭﺷﻦ ﺭﻭﺷﻦ ﭘﺎﺅﮞ ﺭﮐﮭﮯ ﻭﮦ ﺩﺭﺯﯾﮟ، ﻣﺤﺮﺍﺑﯿﮟ، ﭘﺎﺅﮞ
ﺭﺯﻕ ﮨﻮﺋﮯ ﻣﺤﺮﻭﻣﯽ ﮐﺎ، ﺑﮯﺗﺎﺑﯽ ﮐﺎ ﻣﯿﮟ ﻧﮯ ﺟﻦ ﺻﺒﺤﻮﮞ ﻣﯿﮟ ﺗﯿﺮﮮ ﻟﻤﺲ ﮐﺎ ﮐﮭﺎﺗﮧ ﻟﮑﮭﺎ
ﻣﯿﮟ ﻧﮯ ﺟﻦ ﺭﺍﺗﻮﮞ ﺳﮯ ﺗﯿﺮﯼ ﯾﺎﺩ ﮐﺎ ﭼﺎﻧﺪ ﻧﮑﺎﻻ
ﮐﺴﯽ ﺯﻣﺎﻧﮯ ﮐﺴﯽ ﺯﻣﯿﻦ ﻣﯿﮟ ﺩﺭﺝ ﻧﮩﯿﮟ ﺟﯿﻮﻥ ﺳﺎﻟﻮﮞ ﮐﯽ ﻣﺴﺘﯽ ﻣﯿﮟ
ﮔﮭﻠﺘﯽ ﻟﮍﮐﯽ
ﭼﺎﺭﻭﮞ ﺟﺎﻧﺐﺍﻧﺪﯾﺸﻮﮞ ﮐﺎ ﮐﮭﺎﺭﺍ ﭘﺎﻧﯽﺩﺭ ﺁﺋﮯ ﺗﻮﭘﯿﻨﺎ ﭘﮍﺗﺎ ﮨﮯ
ﺟﯿﻨﺎ ﭘﮍﺗﺎ ﮨﮯ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ

ﻭﮦ ﺟﮕﻨﻮ ﮨﻮﮞ،ﭘﺮﻧﺪﮮ ﮨﻮﮞ ﮐﮧ ﺍﻧﺴﺎﮞ ﮨﻮﮞ

ﺍﻧﮩﯿﮟ ﭘﮭﺮ ﻣﭩﮭﯿﻮﮞ ﺳﮯ ،ﺍﻭﺭ ﻗﻔﺲ ﺳﮯ

ﺁﺭﺯﻭﺋﮯ ﻃﻠﺐ ﺳﮯ ﺁﺯﺍﺩ ﮐﺮﺗﮯ ﮨﯿﮟ

ﺍﻧﮩﯿﮟ ﻗﯿﺪﯼ ﺑﻨﺎﺗﮯ ﮨﯿﮟ ﻧﮧ ﮨﯽ ﻣﻘﯿﺪ ﮐﺮﺗﮯ ہیں 

ﻣﺤﺒﺖ ﻧﺎﻡ ﮨﮯ ﻧﻔﺮﺕ ﮐﯽ ﺑﻨﺪﺵ ﺳﮯ ﺭﮨﺎ ﮨﻮﻧﺎ

ﻣﺤﺒﺖ ﻧﺎﻡ ﮨﮯ ﺩﻝ ﮐﮯ ﻗﻔﺲ ﺳﮯ ﺁﺭﺯﻭ ﺁﺯﺍﺩ ﮐﺮﺩﯾﻨﺎ

ﺗﻮ ﭘﮭﺮ ﺍﯾﺴﺎ ﮐﺮﻭ ﺗﻢ ﺑﮭﯽ

ﭘﺮﻧﺪﻭﮞ ﮐﻮ ﺭﮨﺎ ﮐﺮﺩﻭ

ﺍﻭﺭ ﻣﭩﮭﯽ ﮐﮭﻮﻝ ﮐﺮﻧﻨﮭﮯ ﺳﮯ ﺟﮕﻨﻮﮐﻮ ﺍﮌﺍﮈﺍﻟﻮ

ﺭﮨﺎ ﺍﻧﺴﺎﻥ

ﻭﮦ ﺑﮯﭼﺎﺭﮦ

ﺭﮨﺎ ﮨﻮﮐﺮ ﺑﮭﯽ ﻗﯿﺪﯼ ﮨﮯ

ﮐﺮﺏ ﮐﺎ،ﺭﻧﺞ ﻭ ﺍﻟﻢ ﮐﺎ، ﺭﻭﺯﮔﺎﺭ ﺯﻧﺪﮔﯽ ﮐﺎ،ﺍﻭﺭﺟﺒﺮ ﮐﺎ،

ﻭﮦ ﺻﺪﯾﻮﮞ ﺳﮯ ﮐﺌﯽ ﺟﯿﻠﻮﮞ ،ﮐﺌﯽ ﻧﻔﺴﻮﮞ ،

ﮐﺌﯽﻗﻔﺴﻮﮞ ﮐﺎ ﻗﯿﺪﯼ ﮨﮯ

ﺗﻤﮩﺎﺭﯼ ﻗﯿﺪ ﺳﮯ ﺁﺯﺍﺩ ﮨو ﮐﺮ ﺑﮭﯽ ﮐﮩﺎﮞﺟﺎﺋﮯ؟

ﻣﮕﺮ ﯾﮧ ﮨﮯ ﮐﮧ ﺍﮎ ﮐﮭﮍﮐﯽ ﮨﯽ ﺳﮩﯽ

ﮐﮭﻞ ﺗﻮ ﺟﺎﺋﮯ ﮔﯽ

ﭼﻠﻮ ﺗﮭﻮﮌﯼ ﺳﮩﯽ

ﺗﺎﺯﮦ ﮨﻮﺍ ﻣﻞ ﺗﻮ ﺟﺎﺋﮯ ﮔﯽ

ﺳﻨﻮ ﺟﻦ ﺳﮯ ﻣﺤﺒﺖ ﮨﻮ ﺍﻧﮩﯿﮟ ﺁﺯﺍﺩ ﮐﺮﺗﮯ ﮨﯿﮟ

ﻗﻔﺲ ﺳﮯ، ﺁﺭﺯﻭﺋﮯ ﻃﻠﺐ ﺳﮯ

اسے کہنا بچھڑنے سے محبت تو نہیں مرتی

اسے کہنا بچھڑنے سے محبت تو نہیں مرتی . . 

بچھڑ جانا محبت کی صداقت کی علامت ہے . .

محبت ایک فطرت ہے ، ہاں فطرت کب بدلتی ہے . . 

سو ، جب ہم دور ہو جائیں ، نئے رشتوں میں کھو جائیں . .

تو یہ مت سوچ لینا تم ، کہہ محبت مر گئی ہو گی . . 

نہیں ایسی نہیں ہوگا . .

میرے بارے میں گر تمہاری آنکھیں بھر آئیں . . 

چھلک کر ایک بھی آنسو پلک پہ جو اُتَر آئے . .

تو بس اتنا سمجھ لینا ، 

جو میرے نام سے اتنی تیرے دل کو عقیدت ہے . .

تیرے دل میں بچھڑ کر بھی ابھی میری محبت ہے . . 

محبت تو بچھڑ کر بھی سدا آباد رہتی ہے . .

محبت ہو کسی سے تو ہمیشہ یاد رہتی ہے . . 

محبت وقت کے بے رحم طوفان سے نہیں ڈرتی . .

اسے کہنا بچھڑنے سے محبت تو نہیں مرتی . . . !

‎محبت درد کی صو ر ت

‎محبت درد کی صو ر ت

گزشتہ موسموں کا استعارہ بن کے رہتی ہے

شبانِ ہجر میںروشن ستارہ بن کے رہتی ہے

منڈیروں پر چراغوں کی لوئیں جب تھرتھر اتی ہیں

نگر میں نا امیدی کی ہوئیں سنسناتی ہیں

گلی جب کوئی آہٹ کوئی سایہ نہیں رہتا

دکھے دل کے لئے جب کوئی دھوکا نہیں رہتا

غموں کے بوجھ سے جب ٹوٹنے لگتے ہیں شانے تو

یہ اُن پہ ہاتھ رکھتی ہے

کسی ہمدرد کی صورت

گزر جاتے ہیں سارے قافلے جب دل کی بستی سے

فضا میں تیرتی ہے دیر تک یہ

گرد کی صورت

محبت درد کی صورت...!!!!

کوئی مجھ کو مرا بھر پور سراپا لا دے

کوئی مجھ کو مرا بھر پور سراپا لا دے

مرے بازو ، مری آنکھیں، مرا چہرہ لا دے

ایسا دریا جو کسی اور سمندر میں گرے

اس سے بہتر ہے کہ مجھ کو مرا صحرا لا دے

کچھ نہیں چاہئے تجھ سے اے مری عمرِ رواں

مرا بچپن، مرے جگنو، مری گڑیا لا دے

جس کی آنکھیں مجھے اندر سے بھی پڑھ سکتی ہوں

کوئی چہرہ تو مرے شہر میں ایسا لا دے

کشتئ جاں تو بھنور میں ہے کئی برسوں سے

اے خدا اب تو ڈبو دے یا کنارا لا دے

نوشی گیلانی

ان موسموں میں ناچتے گاتے رہیں گے ہم

ان موسموں میں ناچتے گاتے رہیں گے ہم
ہنستے رہیں گے شور مچاتے رہیں گے ہم
لب سوکھ کیوں نہ جائیں گلا بیٹھ کیوں نہ جائے
دل میں ہیں جو سوال اٹھاتے رہیں گے ہم
اپنی رہِ سلوک میں چپ رہنا منع ہے
چپ رہ گئے تو جان سے جاتے رہیں گے ہم
نکلے تو اس طرح کہ دکھائی نہیں دیے
ڈوبے تو دیر تک نظر آتے رہیں گے ہم
دکھ کے سفر پہ دل کو روانہ تو کردیا
اب ساری عمر ہاتھ ہلاتے رہیں گے ہم

(احمد مشتاقؔ)​

سچ کو ایسا کیا گیا جھوٹا

سچ کٹھن امتحان لگتا ہے

جھوٹ اب مہربان لگتا ہے

سچ کو ایسا کیا گیا جھوٹا

جھوٹ سچا بیان لگتا ہے

سچ مسافر ہے کوئی بھٹکا ہوا

جھوٹ اک کاروان لگتا ہے

سچ تو کمتر ہوا , ہوا چھوٹا

جھوٹ اونچی دکان لگتا ہے

سچ ہے باندی غلام گردش کی

جھوٹ شاہوں کی شان لگتا ہے

سچ ہے فٹ پاتھ کا کوئی باسی 

جھوٹ محفل کی جان لگتا ہے

سچ فقیروں کا آستانہ ہے

جھوٹ اپنا مکان لگتا ہے

سچ ہے گالم گلوچ شرفا کی

جھوٹ اہلِ زبان لگتا ہے

سچ کہ لاغر سا ایک بڈھا ہے

جھوٹ ہر دم جوان لگتا ہے

سچ رعایا کی گفتگو جیسا

جھوٹ خود حکمران لگتا ہے

سچ یہی ہے کہ آج کل ابرک

جھوٹ سارا جہان لگتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اتباف ابرک