اگر یہ کہہ دو
بغیر میرے نہیں گزارا ،
تو میں تمہارا...
یا اس پہ مبنی
کوئی تاثر کوئی اشارہ ،
تو میں تمہارا...
غرور پرور ، انا کا مالک
کچھ اس طرح کے ہیں نام میرے ،
مگر قسم سے
جو تم نے اک نام بھی پکارا ،
تو میں تمہارا...
تم اپنی شرطوں پہ کھیل کھیلو ،
میں جیسے چاہوں لگاؤں بازی ،
اگر میں جیتا تو تم ہو میرے ،
اگر میں ہارا ،
تو میں تمہارا...
تمہارا عاشق ، تمہارا مخلص
تمہارا ساتھی ، تمہارا اپنا
رہا نہ ان میں سے وئی دنیا میں ،
جب تمہارا ،
تو میں تمہارا...
تمہارا ہونے کے فیصلے کو ،
میں اپنی قسمت پہ چھوڑتا ہوں ،
اگر مقدر کا کوئی ٹوٹا
کبھی ستارہ
تو میں تمہارا
یہ کس پہ تم تعویز کر رہے ہو ؟
یہ کس کو پانے کے ہیں وظیفے
تمام چھوڑو بس ایک کر لو
جو استخارہ
تو میں تمہارا