ﻭﮦ ﻟﻤﺤﮯ ﮐﺘﻨﮯ ﺩﺭﻭﻍ ﮔﻮ ﺗﮭﮯ
ﺗﻤﮩﺎﺭﯼ ﭘﻮﺭﻭﮞ ﮐﺎ ﻟﻤﺲ ﺍﺏ ﺗﮏ
ﻣﺮﯼ ﮐﻒِ ﺩﺳﺖ ﭘﺮ ﮨﮯ
ﺍﻭﺭ ﻣﯿﮟ ﺳﻮﭼﺘﺎ ﮨﻮﮞ
ﻭﮦ ﻟﻤﺤﮯ ﮐﺘﻨﮯ ﺩﺭﻭﻍ ﮔﻮ ﺗﮭﮯ
ﻭﮦ ﮐﮩﮧ ﮔﺌﮯ ﺗﮭﮯ
ﮐﮧ ﺍﺏ ﮐﮯ ﺟﻮ ﮨﺎﺗﮫ ﺗﯿﺮﮮ ﮨﺎﺗﮭﻮﮞ ﮐﻮ ﭼﮭﻮ
ﮔﺌﮯ ﮨﯿﮟ
ﺗﻤﺎﻡ ﮨﻮﻧﭩﻮﮞ ﮐﮯ ﺳﺎﺭﮮ ﻟﻔﻈﻮﮞ ﺳﮯ
ﻣﻌﺘﺒﺮ ﮨﯿﮟ
ﻭﮦ ﮐﮩﮧ ﮔﺌﮯ ﺗﮭﮯ
ﺗﻤﮩﺎﺭﯼ ﭘﻮﺭﯾﮟ ﺟﻮ ﻣﯿﺮﮮ ﮨﺎﺗﮭﻮﮞ ﮐﻮ
ﭼﮭﻮ ﺭﮨﯽ ﺗﮭﯿﮟ
ﻭﮨﯽ ﺗﻮ ﻗﺴﻤﺖ ﺗﺮﺍﺵ ﮨﯿﮟ
ﺗﻮ ﺍﺏ ﮐﺴﯽ ﺍﻭﺭ ﮨﺎﺗﮫ ﮐﻮ ﮨﺎﺗﮫ ﻣﺖ ﻟﮕﺎﻧﺎ
ﻣﯿﮟ ﺍُﺱ ﺳﻤﮯ ﺳﮯ ﺗﻤﺎﻡ ﮨﺎﺗﮭﻮﮞ
ﺗﻤﺎﻡ ﻧﺎ ﻣﮩﺮﺑﺎﻥ ﺍﻭﺭ ﻣﮩﺮﺑﺎﻥ ﮨﺎﺗﮭﻮﮞ ﺳﮯ
ﺩﺳﺖ ﮐﺶ ﯾﻮﮞ ﺭﮨﺎ ﮨﻮﮞ ﺟﯿﺴﮯ
ﯾﮧ ﻣﭩﮭﯿﺎﮞ ﻣﯿﮟ ﻧﮯ ﮐﮭﻮﻝ ﺩﯾﮟ ﺗﻮ
ﻭﮦ ﺳﺎﺭﯼ ﺳﭽﺎﺋﯿﻮﮞ ﮐﮯ ﻣﻮﺗﯽ
ﻣﺴﺮﺗﻮﮞ ﮐﮯ ﺗﻤﺎﻡ ﺟﮕﻨﻮ
ﺟﻮ ﺑﮯ ﯾﻘﯿﻨﯽ ﮐﮯ ﺟﻨﮕﻠﻮﮞ ﻣﯿﮟ
ﺭﻭﺷﻨﯽ ﮐﯽ ﻟﮑﯿﺮ ﮐﺎ ﻗﺎﻓﻠﮧ ﺑﻨﺎﺗﮯ ﮨﯿﮟ
ﻣﯿﺮﮮ ﮨﺎﺗﮭﻮﮞ ﺳﮯ ﺭﻭﭨﮫ ﺟﺎﺋﯿﮟ ﮔﮯ
ﻣﯿﮟ ﺿﺒﻂ ﺍﻭﺭ ﺍﻧﺘﻈﺎﺭ ﮐﮯ ﺍﺱ ﺣﺼﺎﺭ ﻣﯿﮟ
ﻣﺪﺗﻮﮞ ﺭﮨﺎ ﮨﻮﮞ
ﻣﮕﺮ ﺟﺐ ﺍﮎ ﺷﺎﻡ
ﺍﻭﺭ ﻭﮦ ﭘﺖ ﺟﮭﮍ ﮐﯽ ﺁﺧﺮﯼ ﺷﺎﻡ ﺗﮭﯽ
ﮨﻮﺍ ﺍﭘﻨﺎ ﺁﺧﺮﯼ ﮔﯿﺖ ﮔﺎ ﺭﮨﯽ ﺗﮭﯽ
ﻣﺮﮮ ﺑﺪﻥ ﻣﯿﮟ ﻣﺮﺍ ﻟﮩﻮ ﺧﺸﮏ ﮨﻮ ﺭﮨﺎ ﺗﮭﺎ
ﺗﻮ ﻣﭩﮭﯿﺎﮞ ﻣﯿﮟ ﻧﮯ ﮐﮭﻮﻝ ﺩﯾﮟ
ﺍﻭﺭ ﻣﯿﮟ ﻧﮯ ﺩﯾﮑﮭﺎ
ﮐﮧ ﻣﯿﺮﮮ ﮨﺎﺗﮭﻮﮞ ﻣﯿﮟ
ﮐﻮﺋﯽ ﺟﮕﻨﻮ
ﻧﮧ ﮐﻮﺋﯽ ﻣﻮﺗﯽ
ﮨﺘﮭﯿﻠﯿﻮﮞ ﭘﺮ ﻓﻘﻂ ﻣﺮﯼ ﻧﺎﻣﺮﺍﺩ ﺁﻧﮑﮭﯿﮟ
ﺩﮬﺮﯼ ﮨﻮﺋﯽ ﺗﮭﯿﮟ
ﺍﻭﺭ ﺍﻥ ﻣﯿﮟ
ﻗﺴﻤﺖ ﮐﯽ ﺳﺐ ﻟﮑﯿﺮﯾﮟ ﻣﭩﯽ ﮨﻮﺋﯽ
ﺗﮭﯿﮟ۔